Ñachu mancharishka kanki.
paykuna nin, kay unkuyka kikinpak ukku kayta
wañuchinmi.
Parukta waktan
Samayta harkan
Mirashpa rikun, mirashpa rikun nina shina
Wakllichishpa rin
Mashikuna, ayllukunapash hapi tukunkami
ña hapi tukushka kankami
Kayka llakipachami, kikinta nini
Utikay, yachakkunaka nin
Rukukunami ashtawan llaki apan
Maymantami tukuykunamanllatak chayanka
paykunaka mushukmi nin
Shinapash mana, mana
Kayka patsakwatakunapi tiyashkami.
Ñawparimayta rikuy
Shuktak shutiwanllami
Mushuk añaw
Kunanka nimamanta mana harkayta usharinchu.
Unkuchin kullkiyukta, wakchata
Wambrata, rukuta
Mana riksishkakunata, alli riksishkakunatapash
Manchanayaymi
Tukuykuna manñapimi
Wasi ukupi wicharishka mancharishkakuna
mamallaktakuna wicharishkakunami
Pipash mana purita ushanchu
Mikuna hatunawkukuna chushakkuna
Pipash apunchik wasipi mana mañakunchu
Allpamama ismaman rishka kan
chaymantachari pichana panka ñapash tukurirka
Kullkikamakwasikunapash urmarka
warankakuna llamkay illak sakirirka
Makita mayllarinkapak hunu dolarman chayakun
Allimi kanman kikin mana achinishpa
pipash mana ninkachu,
Saminchay
ashwankarin kikinta hapinkami, wichankami
Mana uma nanay kunkapa munanichu
shinapash, kutin kutin makita mayllashpa ishpana ukupi
mana kamachankachu.
Mashikuna. Mana coronavirusmanta rimakunichu
Mana
kayka ashtawan wañuchik añawmi
F- añaw (M-añaw)
kikin rikushkankimi
chinikupi ñapash miran
purikunkuy shina
ima hawapipashmi kawsan
controlkuna, rikuchik zirmakuna, willi willikuna, uma nanay
hampikkuna nin, willachikkunata rikushpaka kutin unkunki
umapi huntan
Chikniman, huchamanpash tikran
China shinarka, mana mana, Italiami karka, mana, Iran, mana España
Oh, manachu achiklla nikuni
taytakuna, mamakuna kay añaw F unkuyka
MANCHAY kan
Imatapash uyashpa, imatapash rikushpa rikuchik antapi.
ama manchaychu
kay llakipi
alli willaykunapash tiyan
kay sapalla kay mishankapaka
runakunaka paykunapa yaykunapi takinakun
Arabekuna Irànman yanapayta kacharka
Japòn Chinaman karaykunata kacharka
Shuk arawita karaykunapi killkashka:
hatunmamakuchapallatak lakimi kanchik
Uyawaychik
maykan llakipishnalla
tukuchichun
sakita ushanchik
Mana kashpaka
allipak hapita ushanchik
alliyachinkapak
ñañakunawan, turikunawan
muspa piñarikunata
tukuy ña rurashka, ña nishka kipa
kay allpamamapi,
Ranti ranti ñukanchikpuralla
Sinchiyay allpamama
chay kinkuta urayman churashunchik
Shinallatak ñukanchikpa shunkukunata paskashunchik
kay sikanyachishkakuna
ñukanchik kayta sinchiyachichun
yuyari
maypi ñukanchik makita churanchik
shinallatak
maypitak ñukanchik uyarita churanchik
chapashpa kay, ama manchashpa
M añawka ñapash yallichirin unkuymi
hapi tukushpaka, hapi tukushkashnalla kashpaka
kayta ruray
shuk yuyariklla mashiman
utkalla kayachi
rikuchik antawapilla yallikushpaka
muspa rikuchikkunata shukman tikrachi
kikinllata hampiri
tushushpa, asishpa, yuyaryashpa
kay 2020 sinchimi kashka
Kobemanta covidman
kay llakipachakunapi mawkashunchik
ashtawan mutsurishkakunata rikchachinkapa
kunanllata, pimanpash paykunamanta
rikukunki ni.
ari, kunanllatak
kuyani ni.
mana wasipi kashpaka
kayachishpa wiñaypa paykunawanmi kanki ni.
tantanakushpami kutin kawsarishun
kay M añawpa hampika
shinallata tukuy añawkunapaka
KUYAY kan.